Bu gün Azərbaycan Demokratik Respublikasının yaranmasının 90 illiyi münasibətilə Bərdə rayonunda geniş tədbir keçirilmişdir. Bərdə şəhər Mədəniyyət evində təşkil olunan tədbirdə rayon dövlət strukturlarının əməkdaşları, bələdiyyələr, bir sözlə rayon ziyalıları iştirak etmişdirlər. Çıxış edən natiqlər Azərbaycan Demokratik Respublikasının tarixi haqqında məlumatlar səsləndirmiş, ömrünün qısa olmasına baxmayaraq dövlətçilik tarixində qoyduğu izlərdən geniş danışmışdırlar. Tədbirdə həmçinin Yaxın Şərqdə ilk demokratik və dünyəvi dövlət olan Azərbaycanın Şərq ölkələri üçün stimul və onların demokratikləşməsi və müstəqillik qazanmaları yolunda açıq qapı olduğu haqqında fikirlər səsləndirilmişdir. İllər sonra Müstəqil Azərbaycan Respublikasının yaranması və inkişafının ADR ideyalarının ölməməsi və hazırda da Azərbaycanın regionun inkişaf etmiş ölkələri arasında ön sıralarda yer alması haqqında da natiqlər öz çıxışlarında fikirlər səsləndirmişlər. Tədbirin sonunda rayon incəsənət xadimlərinin iştirakı ilə konsert proqramı keçirilmişdir.
Dünən “28 May” mədəniyyət evində Azərbaycan Xalq Cümhuriyyətinin yaranmasının 90 illiyi ilə əlaqədar “Azərbaycan, yurdum mənim!” adlı ədəbi-bədii kompozisiya keçirilib. Tədbirdə mədəniyyət evinin özfəaliyyət kollektivləri konsert proqramı ilə çıxış edib, orta məktəb şagirdləri Azərbaycanı tərənnüm edən şeirlər söyləyiblər. Mədəniyyət evinin xalq teatrının rejissoru Nizami Allahverdiyevin ssenarisi əsasında hazırlanmış kompozisiya tamaşaçılar tərəfindən maraqla qarşılanıb. Bu barədə məlumatı Sumqayıt Şəhər İcra hakimiyyəti yayıb. Ötən günlərdə həmçinin musiqi məktəblərinin illik hesabat konsertləri keçirilib. Mayın 22-də Bülbül adına Uşaq İncəsənət Məktəbində, mayın 24-də Ə.Bakıxanov adına Uşaq İncəsənət Məktəbində, bu gün isə S.Rüstəmov adına Uşaq İncəsənət Məktəbində hesabat konsertləri keçirilib. Tədbirlərdə Mədəniyyət və Turizm idarəsinin əməkdaşları və mədəniyyət ocaqlarının rəhbərləri iştirak ediblər. Konsertlər çox yüksək səviyyədə keçib və izləyicilər tərəfindən maraqla qarşılanıb.
Məlumdur ki, bu il oktyabrın-15-də Prezident seçkiləri keçiriləcəkdir. Təbii ki, yeni seçiləcək Prezident bölgələrdə vətəndaşları daha çox narahat edən məsələlər haqda məlumatlı olmalıdır. Toplanılan məlumatlar müxtəlif mənbələrdən olduğu halda mövcud vəziyyəti daha obyektiv qiymətləndirmək olar. Prezident seçkiləri ərəfəsində bu məsələ ilə bağlı daha dolğun məlumatların toplanması işində “Azərbaycanda Regional İnkişaf Mərkəzi” iyun ayının 1-dən internet sorğu layihəsinin ictimai kampaniyasını keçirməyə başlayır.Layihənin əsas məqsədi - hər bir vətəndaşı narahat edən sualı açıq şəkildə namizədə verməyə, namizədlərə isə - hər bir məsələ ilə bağlı öz baxışlarını səmimi şəkildə ictimaiyyətə nümayiş etdirməyə imkan yaratmaq və qoyulmuş sualların cavablarını açıqlamaqdır. Namizədə veriləcək suallar aşağıdakı sahələri əhatə edir: 1. İqtisadiyyat 2. Sosial siyasət 3. Xarici siyasət 4. Hərbi siyasət 5. İnsan haqları 6. Səhiyyə 7. Təhsil 8. Mədəniyyət 9. Elm 10. Ekologiya Sorğunun aparılması üçün Azərbaycanda Regional İnkişaf Mərkəzi özünün web-səhifəsində (www.azregionaldevelopment.org) “Prezidentimə 10 sual” adlı internet səhifəsi yaradır. Sualları siz Regional İnkişaf Mərkəzinin e-mail adresinə: azregion@gmal.com və 510-28-05 telefon nömrəsi vasitəsilə verə bilərsiniz. Sualı verən vətəndaşlar öz adını, soyadını, yaşını və sosial vəziyyətini bildirməlidir. Bütün verilmiş suallar təşkilatımızın saytında yüklənəcək və sistemləşdirilərək 10 əsas sual seçiləcəkdir. Sonda vətəndaşların sualları toplanacaq, sistemləşdiriləcək və prezidentliyə namizədlərə təqdim ediləcəkdir. Namizədlərin cavabları KİV nümayəndələrinə və ictimaiyyətə çatdırılacaqdır. Sonda əldə edilmiş bütün məlumatlar toplu şəkilində çap olunaraq yeni seçilmiş Prezidentə təqdim ediləcəkdir.Ümid edirik ki, vətəndaşlarımız bu işdə fəal iştirak edəcək və əldə edilmiş suallar Prezidentimizin gələcək işində yardımçı rolunu oynayacaqdır. Prezident seçkilərinə bir ay qalmış (sentyabrın 15-i) bu suallar Prezidentliyə namizədlərin seçki qərargahına təqdim ediləcəkdir. Bu müddətdən bir həftə sonra namizədlərin cavabları ictimaiyyətə təqdim ediləcəkdir. Seçki gününə bir həftə qalmış isə namizədlərin cavabları və onların təhlili toplu şəkilində çap olunacaqdır. Saytımızda eyni zamanda, yeni seçiləcək Prezidentə müraciət ünvanlanması nəzərdə tutulmuşdur. Müraciətin başlığı “Mən istərdim ki, vətənim Azərbaycan....” adlandırılacaq. Üç bənddən ibarət ən maraqlı müraciətlər saytımızda əks etdiriləcəkdir. Verilən müraciətlərin seçiminə nüfuzlu ekspertlər cəlb olunacaqdır. Sonda bütün məlumatlar kitabca şəkilində nəşr olunaraq yeni seçilmiş Prezidentə təqdim ediləcəkdir.Sizi, “Azərbaycanın Prezidenti vəzifəsinə namizədə 10 sual” adlı ictimai kampaniyaya qoşulmağa dəvət edirik.
Sumqayıt şəhərində güzəştsiz əhali kateqoriyası üzrə içməli su haqqının yığımı yanvar ayında 28,3 faiz təşkil edirdisə, hazırda bu göstərici 41,1 faizdir. Bu barədə “Azərsu” SC Su ölçü cihazlarının istismarı təsərrüfatı və su satışı müəssisəsinin Sumqayıt filialından məlumat verilib. Cari ilin aprel ayında Sumqayıt şəhərinin güzəştsiz əhalisinə 409085,6 manat dəyərində 1860530 kub metr həcmində içməli su verilib. Bunun müqabilində əhali tərəfindən 168267,8 manat dəyərində ödəniş olub ki, bu da 41,1 faiz təşkil edir. Sumqayıt Şəhər İcra Hakimiyyətindən verilən məlumatda bildirilir ki, hazırda Sumqayıt şəhərinin güzəştsiz əhali kateqoriyası üzrə 56 min nəfər abonent vardır. Şəhər üzrə ümumilikdə 30 min su sayğacı quraşdırılıb, başqa sözlə əhali abunəçilərinin 53,6 faizi sayğacla təmin olunub. Cari ilin yanvar ayından etibarən bütün ödənişlər bank və poçt məntəqələri vasitəsilə aparılır.
Mayın 22-də Bərdə rayonunda Qarabağ zonası üzrə “İnsan alveri və zorakılıqla mübarizə hər birimizin işidir” devizi altında təşviqat kampaniyası keçirilmişdir. Bərdə rayon Gənclər və İdman idarəsinin məsul işçisinin verdiyi məlumata əsasən tədbirdə 100-ə qədər iştirakçı olmuşdur. İştirakçıların əksəriyyətini gənclər təşkil etmişdir. Tədbiri Bərdə rayon Gənclər və İdman idarəsinin rəisi Anar Şahbazov açdıqdan sonra proqramla bağlı Gənclər və İdman Nazirliyinin məsul əməkdaşı Fərid Qurbanov, DİN-nin İnsan alverinə qarşı idarəsinin məsul əməkdaşı Fuad Əliyev, Ailə, qadın, uşaq problemləri üzrə Dövlət Komitəsinin məsul işçisi Rauf Qasımov həmçinin də Milli Elmlər Akademiyasının İnsan hüquqları İnstitutunun elmi eksperti, siyasi elmlər namizədi Oqtay Sadıqzadə çıxış etmişlər. Tədbir interaktiv aparılmış, iştirakçıların sualları cavablandırılmışdır. Tədbirin sonunda iştirakçılara mövzuya aid buklet, broşur və təqvimlər paylanmışdır.
Korrupsiyaya qarşı Mübarizə Fondunun «Korrupsiyaya qarşı mübarizə ilə bağlı maarifləndirmə və virtual məsləhət mərkəzi» layihəsi Azərbaycan Respublikasının Korrupsiyaya qarşı Mübarizə üzrə Komissiyasının dəstəyi ilə bir il müddətində 12 regionda həyata keçirilir. Növbəti dəyirmi masa Mingəçevir şəhərində keçirilmişdir Tədbirin əsas məqsədi qəbul edilmiş «Şəffaflığın artırılması və korrupsiyaya qarşı mübarizə üzrə Milli Strategiya» barəsində ictimaiyyəti məlumatlandırmaq, «Milli Strategiya»nın ictimaiyyət və yerli dövlət orqanları qarşısında qoyduğu vəzifələrin müzakirəsini keçirməklə onun icrasına ictimai nəzarəti təşkil etməkdir. Tədbirdə şəhər icra hakimiyyətinin, prokurorluğun, MTN-nin şəhər şöbəsinin, polis idarəsinin, məhkəmənin, yerli dövlət idarələrinin, KİV-in və ictimaiyyətin nümayəndələri iştirak etmişlər. Çıxış edən Korrupsiyaya qarşı Mübarizə Fondunun icraçı direktoru Vasif Mövsümov “Milli Strategiya”nın qəbulunun korrupsiyaya qarşı mübarizədə önəmli yer tutduğunu və bu mübarizənin xüsusi əhəmiyyət kəsb edən ictimaiyyət və dövlət orqanlarının əməkdaşlığından keçdiyini qeyd etmişdir. Dəyirmi masada çıxış edən Mingəçevir şəhər İcra Hakimiyyətinin nümayəndəsi, Şəhər Polis İdarəsinin rəisi, bələdiyə orqanlarının, təhsil sisteminin, KİV-in və ictimaiyyətin nümayəndələri «Milli Strategiya»nın qəbulunun və onun icrasının korrupsiyaya qarşı mübarizəyə təkən verəcəyini və bu mübarizənin səmərə verməsi üçün hüquqi maarifləndirmə tədbirlərinin əhəmiyyəti olduğunu qeyd etdilər. Müzakirələrdə Mingəçevir şəhərində son vaxtlarda baş verən müsbət irəliləyişlərlə yanaşı əhalini narazı salan bəzi problemlər ilə bağlı fikir mübadiləsi aparıldı. Ərizə və şikayətlərə baxılması işinin lazımı səviyyədə qurulması, yerli dövlət qurumlarının fəaliyyətində şəffaflığın olması və ictimaiyyətə hesabatların verilməsi məsələlərinin korrupsiyaya qarşı mübarizədə əhəmiyyəti yerli dövlət orqanlarının nəzərinə çatdırılmışdır. Qeyd olunmuşdur ki, «Milli Strategiya»da yerli dövlət qurumları qarşısında qoyulan tələblərin həyata keçirilməsinə ictimai nəzarət təşkil olunaraq, mütəmadi olaraq icra ilə bağlı monitorinqlər aparılacaq və nəticələr barədə KİV, «Milli Strategiya»nın icrasına dövlət nəzarətini həyata keçirən orqanlar və ictimaiyyət məlumatlandırılacaqlar.
Sumqayıt şəhərinin yaşıllaşması sahəsində görülən işlər günü-gündən artmaqdadır. Bu barədə məlumatı Sumqayıt Şəhər İcra Hakimiyyəti yayıb. Məlumatda bildirilir ki, şəhərin Heydər Əliyev prospekti tam yaşıllaşdırılıb. Prospekt boyu 800 m2 sahəyə qazon əkilmiş, münbit torpaq daşınaraq ağac diblərinə və çəmənlik, gül sahələrinə verilmişdir. Şəhər İxtisaslaşdırılmış Yaşıllaşdırma Tikinti İdarəsindən verilən məlumata əsasən son iki ay ərzində şəhərin müxtəlif ərazilərində ümumilikdə 150 ədəd eldar şamı, 160 ədəd sərv lavsan, 730 ədəd tuya, 28 ədəd finiki, 40 ədəd geran gül kolu, 1000 ədəd dekorativ “primula”, 50 ədəd isə dekorativ “taqedes” gülü əkilib.
Göyçay rayon Statistika İdarəsindən verilən məlumata görə 2008-cı ilin I rübündə ötən ilin müvafiq dövrü ilə müqayisədə ümumi məhsul istehsalı 13,9 % artaraq 20037 min manata çatıb. Ümumi məhsulun və xidmətlərin 11,3 %-i sənayedə, 30,9 %-i kənd təsərrüfatında, 3 %-i tikintidə, 3,1 %-i nəqliyyatda, 0,9 %-i rabitədə, 50,8 %-i isə ticarət və xidmətlər sahəsində istehsal olunub. Göstərilən dövrdə rayonda 2260,8 min manatlıq sənaye məhsulu istehsal olunub. Bu məhsulun 61,6 %-i emal, 36,8 %-i elektrik enerjisi, qaz və suyun istehsalı və bölüşdürülməsi bölməsində istehsal olunub. 2008-cı ilin birinci rübü ərzində rayonda kənd təsərrüfatı sahəsində də irəliləyişlər olmuşdur. Belə ki, bu dövrdə rayonda 2008-ci ilin məhsulu üçün 16448,5 ha sahədə payızlıq dənli bitkilərinin əkini aparılıb ki, bu da 2007-cı ilə nisbətən 224,5 ha çoxdur. Göstərilən dövrdə rayonda tikinti işlərinin aparılması üçün 653 min manatlıq mərkəzləşmiş qaydada əsas kapitala investisiyalar ayrılıb. 01 aprel 2008-ci il tarixə rayonda məşğul əhalinin sayı 51,1 min nəfər (rayon əhalisinin 47,2 %-i) təşkil edir. Göyçay RİH -in yaydığı məlumata görə, bu dövrdə rayonda 224 yeni iş yeri açılıb. Həmin iş yerlərindən 185-i daimi, 39-u müxtəlif layihələrin həyata keçirilməsi ilə əlaqədar müvəqqəti və mövsümi iş yerləridir.
478
Dünən “28 May” mədəniyyət evində Azərbaycan Xalq Cümhuriyyətinin yaranmasının 90 illiyi ilə əlaqədar “Azərbaycan, yurdum mənim!” adlı ədəbi-bədii kompozisiya keçirilib. Tədbirdə mədəniyyət evinin özfəaliyyət kollektivləri konsert proqramı ilə çıxış edib, orta məktəb şagirdləri Azərbaycanı tərənnüm edən şeirlər söyləyiblər. Mədəniyyət evinin xalq teatrının rejissoru Nizami Allahverdiyevin ssenarisi əsasında hazırlanmış kompozisiya tamaşaçılar tərəfindən maraqla qarşılanıb. Bu barədə məlumatı Sumqayıt Şəhər İcra hakimiyyəti yayıb.
Sumqayıt şəhərində güzəştsiz əhali kateqoriyası üzrə içməli su haqqının yığımı yanvar ayında 28,3 faiz təşkil edirdisə, hazırda bu göstərici 41,1 faizdir. Bu barədə “Azərsu” SC Su ölçü cihazlarının istismarı təsərrüfatı və su satışı müəssisəsinin Sumqayıt filialından məlumat verilib. Cari ilin aprel ayında Sumqayıt şəhərinin güzəştsiz əhalisinə 409085,6 manat dəyərində 1860530 kub metr həcmində içməli su verilib. Bunun müqabilində əhali tərəfindən 168267,8 manat dəyərində ödəniş olub ki, bu da 41,1 faiz təşkil edir. Sumqayıt Şəhər İcra Hakimiyyətindən verilən məlumatda bildirilir ki, hazırda Sumqayıt şəhərinin güzəştsiz əhali kateqoriyası üzrə 56 min nəfər abonent vardır. Şəhər üzrə ümumilikdə 30 min su sayğacı quraşdırılıb, başqa sözlə əhali abunəçilərinin 53,6 faizi sayğacla təmin olunub. Cari ilin yanvar ayından etibarən bütün ödənişlər bank və poçt məntəqələri vasitəsilə aparılır.
Sumqayıt şəhərinin yaşıllaşması sahəsində görülən işlər günü-gündən artmaqdadır. Bu barədə məlumatı Sumqayıt Şəhər İcra Hakimiyyəti yayıb. Məlumatda bildirilir ki, şəhərin Heydər Əliyev prospekti tam yaşıllaşdırılıb. Prospekt boyu 800 m2 sahəyə qazon əkilmiş, münbit torpaq daşınaraq ağac diblərinə və çəmənlik, gül sahələrinə verilmişdir. Şəhər İxtisaslaşdırılmış Yaşıllaşdırma Tikinti İdarəsindən verilən məlumata əsasən son iki ay ərzində şəhərin müxtəlif ərazilərində ümumilikdə 150 ədəd eldar şamı, 160 ədəd sərv lavsan, 730 ədəd tuya, 28 ədəd finiki, 40 ədəd geran gül kolu, 1000 ədəd dekorativ “primula”, 50 ədəd isə dekorativ “taqedes” gülü əkilib.
