Bu barədə məlumat verən Gəncə şəhər Baytarlıq İdarəsinin rəisi Hüseyn Abbasov bildirdi ki, Gəncə şəhərində donuzçuluqla fərdi vətəndaşlar qeyri-qanuni yolla məşğul olurdular. Artıq bir aydır ki, bu təsərrüfatların fəaliyyəti ilə bağlı qəti tədbirlər görülüb.«Bu şəxslər əsasən şəhər zibilliklərində donuz saxlayırdılar. Bu isə yol verilməzdir. Bizim əməkdəşlar donuzları güllələyərək öldürdükdən sonra, cəsədlərini yandıraraq məhv ediblər».Qəbələ raynunda donuzlar arasında Afrika taunu xəstəliyinin yayılmasına gəlincə, müsahibim bildirdi ki, Gəncədə həlki belə bir hala rast gəlinməyib.
Korrupsiyaya qarşı Mübarizə Fondu Azərbaycan Respublikasının Korrupsiyaya qarşı Mübarizə üzrə Komissiyasının dəstəyi ilə «Korrupsiyaya qarşı mübarizə ilə bağlı maarifləndirmə və virtual məsləhət mərkəzi» layihəsini həyata keçirməyə başlamışdır. Bu barədə məlumatı Korrupsiyaya qarşı Mübarizə Fondu yayıb. Layihə bir il müddətində 12 regionda həyata keçiriləcəkdir. Layihənin əsas məqsədi qəbul edilmiş «Şəffaflığın artırılması və korrupsiyaya qarşı mübarizə üzrə Milli Strategiya» barəsində ictimaiyyəti məlumatlandırmaq, onların hüquqi maarifləndirilməsini artırmaqla yanaşı korrupsiyaya qarşı mübarizədə fəallığına nail olmaqdır. Bundan əlavə layihə vətəndaşlara korrupsiya ilə bağlı ərizə və şikayətlərinin dövlət orqanlarına istiqamətləndirilməsində yardım etməyi nəzərdə tutur. Korrupsiyaya qarşı mübarizədə xüsusi əhəmiyyət kəsb edən ictimaiyyət və dövlət orqanlarının əməkdaşlığına nail olmaq üçün məqsədi ilə Sumqayıt şəhərində dəyirmi masa keçirilmişdir. Tədbirdə yerli dövlət idarələrinin, sahibkarların, KİV-lərin, Şəhər Polis İdarəsinin, QHT-lərin, Şəhər Prokurorluğunun və ictimaiyyətin nümayəndələri iştirak etmişlər. Tədbirdə çıxış edən Korrupsiyaya qarşı Mübarizə Fondunun icraçı direktoru V.Mövsümov qəbul edilmiş «Şəffaflığın artırılması və korrupsiyaya qarşı mübarizə üzrə Milli Strategiya»da korrupsiyaya qarşı mübarizədə vətəndaş cəmiyyətinin danılmaz rolunun və eləcə də ictimaiyyətin hökümətin antikorrupsiya tədbirlərinə nəzarət imkanları əldə etməsinin əks olunduğunu vurğulamışdır. Azərbaycanda korrupsiyanın indiki səviyyədə olmasının bir səbəbini də qəbul edilmiş qanun və proqramların ictimaiyyətə çatdırılmamasında və korrupsioner məmurlar tərəfindən onların inkar edilməsində olduğunu diqqətə çatdıran V. Mövsümov bu sənədin hazırki dövrdə korrupsiyaya qarşı mübarizədə dövlət qulluqçularının və vətəndaşların istinad etdikləri əsas mənbə olduğunu söyləmişdir. Dəyirmi masada çıxış edən sahibkarlar, ictimaiyyətin, dövlət orqanlarının və gənclər təşkilatlarının nümayəndələri ölkədə korrupsiyaya qarşı mübarizənin vacib olduğunu və «Milli Strategiya»ya istinad edərək bu mübarizədə vətəndaş cəmiyyətinin iştirak etməsini dəstəklədilər. Onlar bu mübarizədə yerli dövlət orqanları ilə əməkdaşlığın önəmli olduğunu və «Milli Strategiya»nın həyata keçirilməsinə ictimai nəzarətin təşkilində iştirak etmək fikirlərini qeyd etdilər. Çıxış edənlər Sumqayıt şəhərində korrupsiya halları ilə üzləşdiklərini və konkret olaraq bələdiyyələrdə korrupsiya hallarının olduğu ilə bağlı şikayətlərini söylədilər. Daha sonra tədbir iştirakçıları «Şəffaflığın artırılması və korrupsiyaya qarşı mübarizə üzrə Milli Strategiya»nın yerli icra hakimiyyətləri orqanları qarşısında qoyduğu aşağıdaki vəzifələrin müzakirəsini apararaq onların həyata keçirilməsinə ictimai nəzarət mexanizmlərinin hazırlanması ilə bağlı fikirlərini bildiriblər.
Almaniyanın Azadlıq naminə «Fridrix naumann» fondu Gəncə Regional İnformasiya Mərkəzində şəhər içtimaiyyətinin nümayəndələri, QHT ilə görüş keçirdi. Görüşün mövzusunu açıqlayan fondun Azərbaycan üzrə müşaviri Ərəstun Oruclu sərbəst toplaşma azadlığı, bu sahədə cəmiyyətimizdə mövcud durumun vacib olduğuna diqqət çəkdi. O, qeyd etdi ki, beynəlxalq qurumların azərbaycanla bağlı hazırladıqları hesabatlarda bu məsələyə xüsususi diqqət verildiyini vurğulapdı: «Avropa Parlamenti üzvülərindən biri Azrəbaycandakı rəsmi görüşlərdə vurğulamışdı ki, dinc insanlar tərəfindən keçirilən kütləvi aksiyalar dağıdılarkən xüsusi qəddarlıq tətbiq olunur. Bu da siyasi rəqabətin, siyasi düşmənçiliyə çevrilməsinini bariz nümunəsidir». Fondun cənubi qafqaz ölkələri üzrə proqram rəhbəri giriş olaraq bildirdi ki, təmsil etdiyi qrum 1996-cı ildən ölkəmizdə fəaiyyət göstərir: «fəaliyyətimizin əsas praritetləri oduğumuz məkanda azad iqtisadi şəraitin yaranmasına dəstək (inhisarçılığın qarşısınını alınması, uyğun vergilərin tətbiqi və s.), tərəflər arasında siyasi dialoqun qurulması, müxtəlif dini, mədəni, irqi mənsubiyəti olan qrupların bir arada, anlaşma şəraitində ümnasibətlərinin təsis olunmasına yardımçı olmsaqdır». Proqram rəhbəri onu da bildirdi ki, bu yönümdə dünyanın 60-dan çox ölkəsində maarifləndirmə tədbirləri (seminarlar, treninqlər və s.) təşkil olunub. ölkəmizə gəldikdə isə indiyədək 300-dək vətəndaşımıza pulsuz hüquqi yardım göstərilib, 1000-dən artıq məkəmə müraciətçisinin hüquqları müdafiə olnub. Qeyd edək ki. söhbət əsnasında sərbəst toplaşma ilə bağlı hüquqi aspektlər, iştirakçıları maraqlandıran suallar ətrafında müzakirələr aparıldı.
Municipality.az saytının monitorinq qrupu paytaxtın dörd mərkəzi küçəsində (Nizami, Bülbül, R. Behbudov və Azadlıq) yerləşən ictimai iaşə, ticarət və digər profilli obyektlərin adlarını bildirən lövhələrdə Azərbaycan dilinin istifadə səviyyəsi ilə bağlı monitorinq aparıb. Adları çəkilən küçələrdə yerləşən 982 obyektin üzərinə vurulan lövhələrin 38%-i ingilis dilində, 23%-i Azərbaycan dilində,17%-i rus dilində, 22%-i isə izahı məlum olmayan abreviatura formasında yazılıb. Rus dilində olan yazıların hamısı latın qrafikası ilə qeyd olunub. Bununla yanaşı qeyd edilməlidir ki, reklam lövhələrinin 12%-ndə hərf səhvləri var və 58 %-i isə ərazinin memarlıq tələblərinə cavab vermir.
İclasda Sumqayıt şəhərinin inzibati ərazisinə daxil olan qəsəbələrdə – Hacı Zeynalabdin və Corat qəsəbələrində ötən il ərzində görülmüş işlərin yekunları müzakirə olunub. Bu barədə məlumatı Sumqayıt şəhər İcra hakimiyyəti yayıb. Məlumatda bildirilir ki, hesabat məruzəsi ilə çıxış edən Hacı Zeynalabdin qəsəbəsi üzrə icra nümayəndəsi Nasir Rzayev 2007-ci ildə qəsəbədə genişmiqyaslı abadlı və quruculuq işlərinin görüldüyünü bildirdi. N.Rzayev əhalinin müraciət və şikayətlərinə operativ reaksiya verildiyini və məişət problemlərinin həlli məqsədilə sakinlərlə sıx ünsiyyətdə olduqlarını qeyd etdi. Şəhər İcra hakimiyyəti başçısının Corat qəsəbəsi üzrə icra nümayəndəsi Cəmil Quliyev də öz çıxışında ötən il qəsəbə ərazisindəki yolların, su və kanalizasiya xətlərinin təmiri, küçələrin abadlaşdırılması və yaşıllaşdırılması istiqamətində bir sıra tədbirlərin həyata keçirildiyini dedi. O həmçinin Coratda elektrik enerjisi və təbii qaz sayğaclarının quraşdırılmasının əhalinin kommunal xidmətlərlə təminatına müsbət təsir göstərdiyini qeyd edib. Daha sonra qaldırılmış problemlərin həlli istiqamətində müzakirələr aparılıb. Sonda çıxış edən şəhər İcra hakimiyyətinin başçısı, Şuranın sədri Vaqif Əliyev görüşdə müzakirə edilən məsələlərin problemlərin həlli üçün öz tövsiyələrini bildirməklə yanaşı, ötən il ərzində qəsəbələrdə görülmüş işlərin səviyyəsini yüksək qiymətləndirdi.
Müəllimlərin elmi-nəzəri səviyyələrini yoxlamaq məqsədilə 13 yanvar 2008-ci il tarixdə Sumqayıt şəhər orta ümumtəhsil məktəblərinin müəllimləri arasında monitorinq keçirilib. Test sınaq imtahanlarında ana dili, riyaziyyat, tarix, coğrafiya, ingilis dili, fizika, kimya, biologiya müəllimləri iştirak edib. Nəticələr elə həmin gün müəyyənləşdirilərək pedaqoji kollektivlərə çatdırılıb. Hazırda şəhər üzrə müzakirəyə hazırlıq məqsədilə nəticələr şəhər Təhsil Şöbəsində geniş təhlil olunur. Qeyd edək ki, test sınaq imtahanlarında müəllimlərin 75%-i iştirak edib. Bu barədə municipality.az saytına məlumatı Sumqayıt Şəhət İcra Hakimiyyətindən verilib.
Bu gün Sumqayıt şəhər İcra hakimiyyətinin başçısı Vaqif Əliyev Almaniya Federativ Respublikasının Azərbaycandakı fövqəladə və səlahiyyətli səfiri Per Kristofer Stankinanı qəbul edib. Bu barədə municipality.az saytına məlumatı Sumqayıt Şəhət İcra Hakimiyyətindən verilib. Görüşdə əsasən Almaniya Səfirliyi tərəfindən Sumqayıtda həyata keçirilməsi nəzərdə tutulan mədəniyyət tədbirləri müzakirə olundu. Ötən il Sumqayıt və Lüdviqshafen şəhərlərarası əməkdaşlıq əlaqələrinin 30 illik yubileyi münasibətilə hər iki şəhərdə keçirilən tədbirlərdə fəal iştirakına və hərtərəfli dəstəyinə görə səfir minnətdarlıq edən Vaqif Əliyev Sumqayıt şəhərinin alman təşkilat və müəssisələri ilə bir sıra sahələrdə səmərəli əməkdaşlıq etdiyini bildirdi. Eyni zamanda, ATƏC-in vasitəsilə Sumqayıtda 20-ə yaxın layihənin uğurla icra olunduğunu qeyd etdi. Səfir səmimi qəbula görə V.Əliyevə minnətdarlığını bildirib və regionlarda həyata keçirilən tədbirlərdə Sumqayıt şəhərinə xüsusi diqqət yetirildiyini bildirib. Səfir mövcud əməkdaşlığın davamı kimi 2008-ci ildə Sumqayıtda təhsil və mədəniyyət sahələri üzrə bir sıra birgə tədbirlərinin nəzərdə tutulduğunu qeyd edib. Bu sırada 4 fevralda Sumqayıtda alman musiqiçilərinin konsertinin və 15 saylı məktəbdə təlimlərin əhəmiyyəti xüsusilə vurğulayıb. Görüşdən sonra Per Stankina Səməd Vurğun adına mədəniyyət sarayı ilə tanış olub və 15 saylı məktəbdə şagirdlərə alman dili dərsliklərinin və futbol toplarının təqdim olunması mərasimində iştirak edib.
Muxtar respublikaya səfəri çərçivəsində bir sıra görüşlər keçirən Misir Ərəb Respublikasının Azərbaycandakı fövqalədə və səlahiyyətli səfiri Yusif Əhməd Əl Şarkavi AMEA-nın Naxçıvan bölməsində də olub. Azərbaycan Milli Elmlər Akademiyası Naxçıvan bölməsinin sədri, akademik İsmayıl Hacıyev AMEA Naxçıvan bölməsinin yaradılması və fəaliyyəti haqqında qonağa ətraflı məlumat vermişdir. Misir Ərəb Respublikasının Azərbaycandakı səfiri Yusif Əhməd Əl Şarkavi öz növbəsində dost ölkələrimiz arasında günü-gündən genişlənən elmi əlaqələrdən çox şad olduğunu bildirmiş və elmi-tədqiqat inistitutları ilə daha yaxından tanış olmaq arzusunu ifadə etmişdir. Səfir AMEA Naxçıvan bölməsinin əlyazmalar fondu ilə tanış edilmişdir. Azərbaycan elminin, onun ayrı-ayrı sahələrinin inkişafı tarixinin öyrənilməsindən, habelə əlyazmaların toplanılması və tədbiqi, onların gələcək nəsillərə çatdırılması üçün bir sıra mühüm işlər görüldüyü haqqında qonağa ətraflı məlumat verilmişdir. Şərq əlyazmaları ilə daha yaxından tanış olan səfir bölmənin kitabxana fondunda da olmuşdur. AMEA Naxçıvan bölməsi ilə tanışlığından çox razı qaldığını ifadə edən Misir Ərəb Respublikasının Azərbaycandakı səfiri səmimi görüşə görə AMEA Naxçıvan bölməsinin sədrinə öz minnətdarlığını bildirmiş, qarşılıqlı elmi əlaqələrin gücləndirilməsinin vacibliyini bir daha vurğulamışdır.
489
