Azərbaycan Bələdiyyə Sistemi : Uncategorized : Bakı niyə planetin ən çirkli şəhəri olmalıdır?

Bələdiyyə sistemindən razısınızmı ?

Bakı niyə planetin ən çirkli şəhəri olmalıdır?
Vuqar Tofiqli AVCİYA-nın eksperti Biz özümüzü nə qədər tərifləsək də dünya bizi tərifləmək istəmir. Adımızı bu dəfə birinci çəkiblər. Amma dünyanın ən çirkli şəhərlər sırasında. Maraqlıdır, paytaxt üçün bu qədər vəsait xərclənir, küçə və meydanlar, prospektlər, binalar, habelə paytaxtın qədim hissəsi, o cümlədən “Dənizkənarı” Milli Park və “İçərişəhər”ə ciddi sərmayələr qoyulur... Artıq Bakı həqiqətən əvvəlki Bakı deyil, bunu elə xaricilər özləri də deyirlər. Nəticədə isə adımız qara siyahıda birinci çıxır. Hər halda bu prosesdə müəyyən qərəz hiss olunsada, birinci olmağımızın özümüzdən asılı olan müəyyən səbəbləri vardır...... Xaricilər belə hesab edirlər ki, Bakıda havanın çirklənmə səviyyəsi, içməli suyun yararlığının dərəcəsi, tullantıların istifadə olunması və emal olunmasının dərəcəsi, tibbi xidmətin və avadanlığın səviyyəsi, infeksion xəstəliklərin mövcudluğu yüksək səviyyədədir. Beləlilkə, Bakımızın adının birinci sırada çəkilməsində başda BŞİH-in başçısı çox hörmətli professor Hacıbala Abutalıbov və 11 RİH başçısı olmaqla, hər bir paytaxt sakini, habelə vətəndaş cəmiyyəti təmsilçilərinin də öz məsuliyyəti var. Bu sıraya Nəqliyyat, Səhiyyə və Ekologiya və Təbii Sərvətlər Nazirliyi də aid edilməlidir. Bəs paytaxtımız digər ölkələrin paytaxtından hansı keyfiyyətlərinə görə geridə qalır? Əvvəlcə xaricilərin arqumentlərinə diqqət yetirək. Bakıda havanın çirklənmə səviyyəsi həqiqətən yüksəkdir. Niyə də yüksək olmasın. Bakıda son beş ildə nə qədər ağacın kəsilməsi barədə müvafiq orqanların hansında belə bir məlumat var? Ümumiyyətlə, müvafiq nazirlik rəsmiləri tərəfindən ağacların rəsmi kəsimi barədə qeydiyyatı aparılırmı? Hazırda Bakının qədim və 70-80 illərdə salınmış məhəllələrində yeni inşa olunan binaların hesabına onlarca agac kəsimi həyata keçirilib. Demək olar ki, proses artıq başa catıb. Yəni dünyanı bürüyən iqtisadi böhran buna öz “müsbət” təsirini göstərib. Müvafiq nazirlik isə prosesə müdaxilə etməkdə hiss olunur ki gücsüzdür. Və nazirlik rəsmiləri ancaq zirvələri fəht etməklə ictimiyyətin diqqətini çəkmək istəyir. Müvafiq nazirlik prezident sərəncamı ilə Ələt-Hacıqabul yolunun ətrafında min bir əziyyətlə saldığı yaşıllığı bütün magistral yolların ətrafında etsə, düşünmək olar ki, həm paytaxtda, həm regionlarda havanın çirklənmə səviyyəsini də azaltmış olar. Digər bir məsələyə toxunmaq istərdik. Paytaxtda yaşıllaşdırma siyasəti, şəhərin ekoloji durumuna nəzarəti bir orqan, yəni Ekologiya və Təbii Sərvətlər Nazirliyi tərəfindən, ancaq konkret fəaliyyət, yəni icra prosesi nazirliyin rəyi nəzərə alınmaqla müvafiq bələdiyyələr tərəfindən həyata keçirilməsi daha doğru addım olardı. Təhlillər göstərir ki, ekoloji siyasətdə movcud olan pərakəndəlik məhz adımızı birinci etməklə əhalinin saglıq durumuna da ciddi təsir edir. Hər il aprel-may aylarında kampaniya xarakterli on minlərcə agac əkilirdi. Ancaq proses elə həmin vaxtdan bir müddətdən sonra unudulur və nəticədə əkilən ağaclar suvarılmadığından quruyub sıradan çıxırdı. Yaxşı ki, cənab prezidentin rəsmi göstərişindən sonra bu il artıq indidən agac əkiminə başlanılıb və 2010-cu il ekologiya ili elan edilib. Güman etmək olar ki, məmurlar heç olmasa bu il ağac kəsiminə yox, onun əkininə diqqəti artıracaq. Tullantıların istifadəsi və emal olunmasının dərəcəsinə gəldikdə isə artıq bu istiqamətdə görünür xaricilər məlumatsızdırlar. Belə ki, Balaxanı qəsəbəsində Zibil Tullantılarının Emalı zavodunun təməl daşı qoyulub. Tikintidə məhz Fransa şirkətinə həvalə olunub. Əgər qeyri adi hadisələr baş verməsə 3 ilə bu zavodun fəaliyyətini görəcəyik. Ancaq burada da bir haşiyə çıxmaq istərdik. Yəni, şəhərin təmizliyi həqiqətən bərbad vəziyyətdədir. Baxmayaraq ki prezident sərəncamı ilə coxsaylı zibildaşıyan avtomobillər alınıb, ancaq demək olar ki, faktik təmizlənməyə diqqət yetirilmir. Misal olaraq qeyd edək ki, Gəncə və Sumqayıtda olan təmizlik bu gün paytaxtda yoxdur. Adı çəkilən şəhərlərdə küçə və meydanlar gündə 3 dəfə və əhalinin seyrək vaxtında təmizlənir. Bu gün hər birimiz paytaxt süpürgəçilərini xüsusi geyimi ilə fərqləndirə bilərik. Ancaq onlarca süpürgəçi hansı ləvazimatla küçələri təmizləyir. Küləkli havada isə proses daha əziyyətli keçir. Bununla yanaşı yollarda həmçinin yeni inşa edilən korpü və yol ayrıclarında suötürücülərin zəif olması yağışlı günlərdə hər bir sürücülər üçün hansı çətinliklər yaradır, bunu bir sürücülər yaxşı bilir. Yeri gəlimişkən xatırldaq ki, 15 gündən sonra Baki Şəhər İcra Hakimiyyətinin başçısı cənab Hacıbala Abutalıbovun rəsmi fəaliyyətinin 9-cu ili tamam olur. Fevralın 2-si prezident adminstrasiyasının rəhbəri akademik Ramiz Mehdiyevin təqdimatı ilə fəaliyyətə başlayan başçının ilk fəaliyyəti məhz şəhəri piyada gəzməklə təmizliyə diqqət yetirmək, küçə və meydanları lüzumsuz köşklərdən azad etmək idi. Həmin vaxt sinəsini irəli verib ciddi təmizlik işlərinin həyata keçirən cənab professor bu gün sanki həmin enerji ilə fəaliyyət göstərmir... Ola bilsin fəaliyyət göstərir, bəlkə biz görmürük..... Amma süpürgəçilərlə başçının şəkilləri və mehriban söhbəti hamının yaxşı yadındadır. Yəqin elə başçının da.... Düşünürəm ki, "NYC Partnershir Consulting" beynəlxalq reytinq şirkətinin nəticələri paytaxt rəhbərliyini ciddi düşündürməli problemin mövcudluğu etiraf edilməli və onun aradan qaldırılmasına səy göstərilməlidir. Bu həm əhalinin saglıq durumuna, həm prezident sərəncamlarının icrasını daha da sürətləndirməklə, paytaxtı ən təmiz şəhərlər sırasına çıxarmaga imkan verəcək. P.S. Indidən professor Hacıbala Abutalılbovu BŞİH-in başçısı təyin edilməsinin 9 cu ili münasibətu ilə təbrik edir və yuxarıda sadaladığımız problemlərin aradan qaldıtılmasında ona ugurlar arzu edirik
15.1.2010 \| \| 0 \| 338

Arxiv